Şrift:
Urmiya gölündə suyun səviyyəsi düşüb
19.05.2020 [16:30] - Güney Azərbaycan xəbərləri, Güney Azərbaycan-Təbriz
Azərbaycanın Urmiya gölündə su səviyyəsi azalaraq 1271.91 metrə düşüb.





May 18-də verilən statistikaya əsasən, su səviyyəsi hazırda keçən il ilə müqayisədə bir santimetr azalıb.





Gölün su səviyyəsinin vəziyyəti ilə bağlı araşdırma uzunmüddətli orta səviyyə (ötən 40 il) ilə müqayisədə 2.71 metr azalmanın olduğunu göstərir.





Həmçinin Urmiya gölündə suyun həcmi 18 may tarixində 5.29 milyard kubmetr olub. Ötən ilin analoji dövrü ilə müqayisədə 30 milyon kubmetr, uzunmüddətli həcmlə müqayisədə isə 10.75 milyard kubmetr azalıb.





Gölün ərazisi isə hazırda 3248.94 kvadrat kilometrdir. Bu rəqəm keçən il ilə müqayisədə 7.57 kvadrat kilometrdir azalma göstərir.





Qeyd edək ki, son illərdə Urmiya gölünə axan çayların üzərində 30-dan çox bəndin tikilməsi, eləcə də gölün üzərində suyunun sirkulyasiyasının qarşısını alan 14 kilometr uzunluğunda yolun salınması nəticəsində dünyanın 3-cü ən böyük duzlu gölü sürətlə qurumağa başlayıb.
Bu xəbər oxucular tərəfindən 190 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed