O, İranın maliyyələşdirdiyi yaraqlı qruplaşmalar və 2019-cu ilin yay aylarında bir neçə gəmiyə qarşı həyata keçirdiyi təxribatçı hücumlara diqqət çəkərək, rəsmi Tehranın regionu ələ keçirməyə çalışdığını deyib.


"İran yaraqlı qruplaşmaları yaratmaq və dəstəkləmək, eləcə də zorakılığı əl atmaqla, digər region ölkələri öz siyasətini dəstəkləməyə məcbur edir, - deyə Makkenzi əlavə edib.


O, Qasım Süleymaninin öldürülməsinin İran rejimi üçün gözlənilməz olduğunu, bunun onları Amerikanın qırmızı xəttləri ilə bağlı öz hesablamalarına yenidən baxmağa vadar etdiyini deyib. General həmçinin qeyd edib ki, bu əməliyyat rəsmi Tehrana Vaşinqtonun əzminin praktiki olaraq da güclü olduğunu göstərdi.


Komandan sonda İranın terrorçu və yaraqlı qruplaşmalar, habelə Əsəd rejimini dəstəkləməsini pisləyib.