İran rejiminin hüquq-mühafizə orqanları əməkdaşları iyunun 10-da Vasiqi qardaşlarının iş yerinə gələrək, saxlanmalarına dair məhkəmə hökmünü göstərmədən onları döyərək həbs ediblər.


Məmurların qardaşlara qarşı fiziki zorakılığı o qədər şiddətli olub ki, məsələyə qonşular və ətrafda olan mağaza sahibləri də qarışıblar. Bundan sonra təhlükəsizlik qüvvələrinin çağırışı ilə Ərdəbilin Qiyam dairəsində baş verən həmin olayı dağıtmaq və qardaşları həbs etmək üçün hadisə yerinə 4 maşından ibarət əlavə qüvvələr cəlb edilib.


Vasiqi qardaşları iyunun 16-da hər biri 110 milyon tümənlik mülki vəsiqə ödəməklə müvəqqəti azadlığa buraxılıblar.


Azadlığa çıxandan sonra qardaşların sosial şəbəkələrdə yayılan fotolarında onların təhlükəsizlik qüvvələri tərəfindən döyülmələri nəticəsində bədənlərində yaranan yara izlərini açıq-aydın görmək olur.