Bu barədə, Rey şəhərinin tabeliyində olan Kəhrizək rayonunun rəsmisi Əmin Babayi mediaya açıqlamasında məlumat yayıb.


O bildirib ki, hadisə iyulun 7-si səhər saat 03:20 radələrində oksigen balonları dolduran bir sexdə baş verib: “Oksigen balonlarının naməlum səbəbə görə partlaması nəticəsində 2 nəfər həyatını itirib, 3 nəfər yaralanıb.


Partlayış o qədər güclü olub ki, sexin yanında fəaliyyət göstərən “Saipa Press” zavodunda da dağıntılara səbəb olub, zavodun divarları uçub. Hazırda partlayışın səbəbləri araşdırılır” -deyə, Əmin Babayi əlavə edib.


Qeyd edək ki, 59 min əhalisi olan “Bağırşəhr” sənaye şəhərciyi, Rey şəhərinin 13 kilometrliyində yerləşir.