O, bu gün etdiyi televiziya çıxışı zamanı ABŞ Prezidenti Donald Trampı müzakirələrdən şəxsi maraqları üçün istifadə etməkdə ittiham edib.


Xamneyinin iddiasına görə, rəsmi Vaşinqton Şimali Koreya ilə apardığı danışıqlardan da yalnız təbliğat vasitəsi kimi istifadə edib.


"Dini lider" çıxışı zamanı üstü örtülü şəkildə sanksiyaların ölkə iqtisadiyyatına ciddi zərbə vurğunu və neft satışının əhəmiyyətli dərəcədə azaldığını desə də, lakin iddia edib ki, mövcud çətinliklər ölkən iqtisadiyyatının qara qızıldan asılılığını azaltmasına səbəb olub.


Xamneyi bildirib ki, Amerikanın İrandan nüvə proqramını və regional fəaliyyətlərini dayandırmasını tələb etməsi də rəsmi Tehran üçün "qəbul edilməzdir".


Daha sonra Avropa ölkələrini kəskin tənqid edən "dini lider" "İnstex" adlı xüsusi maliyyə kanalına qarşı da sərt fikirlər səsləndirib.


Xamneyi sonda ölkə siyasətçilərinin Amerika ilə sanksiyaların ləğv olunması şərti ilə müzakirələrə hazır olduqları ilə bağlı səsləndirdikləri fikirləri yanlış adlandıraraq, embarqoların İranda "elmi inkişaf və tərəqqiyə" səbəb olduğunu iddia edib. Lakin o, bununla bağlı heç bir dəlil göstərməyib.