Türkiyədə biri axtarışa verilən təhlükəli terrorçu olmaqla beş PKK mənsubu təhlükəsizlik qüvvələrinə təslim olub.

Türkiyənin Daxili İşlər Nazirliyi xəbər verir ki, terrorçular təbliğat yolu əsasında təslim olmaq qərarına gəliblər. Bildirilir ki, 5-6 il əvvəl PKK sıralarına daxil olan bu şəxslər İraq ərazisində fəaliyyət göstəriblər. Onlar bir yerdə PKK-dan qaçmağa nail olublar. Bununla da cari il yanvarın birindən bu tərəfə könüllü təslim olan terrorçuların say 202 nəfərə çatıb.