Ermənistanda Azərbaycanla həmsərhəd Berkaber kəndində minatəmizləmə işləri başa çatıb.

Bu barədə Berkaber icmasının rəhbəri Tiqran Arutyunyan məlumat verib.

Onun sözlərinə görə, hələlik ərazidə delimitasiya və demarkasiya işləri aparılır.

Xatırladaq ki, aprelin 22-də errməni minatəmizləyənlər Tavuş vilayətinin Voskepar kəndində Müqəddəs Tanrı Anası Kilsəsinə bitişik ərazidə minatəmizləmə işlərinə başlayıb.

Aprelin 23-də Ermənistan Daxili İşlər Nazirliyi delimitasiya prosesi çərçivəsində minatəmizləmə işlərinin görülməsi üçün Bağanis-Voskepar yolunu bağlayıb.