Bir neçə gün öncə Iran televiziyasının "90" proqramında türk dilində şeir yayımlanmışdır.“Tabnak” saytı öz irqçi mövqeyini bir daha sərgiləyərək, sözü gedən videonun yayımına kəskin reaksiya verib. Sayt qeyd edib ki, “nə qədər təəccüblü olsada "90" proqramı bu həftə antiiran və qövmçülük şüarlarının tribunasına çevirildi. Tutuquşu kimi antiiran şüarını səsləndirən uşağın təsviri İran İslam Cümhuriyyətinin teveviziyasından yayımlandı. Hansı ki, hətta xarici kütləvi informasiya vasitələri belə buna cürət etməyiblər”.

İran İnqilab Keşikçiləri Korpusunun (SEPAH) keçmiş komandanı, Sistemin Məsləhətlərini Müəyyənləşdirən Qurumun məsul şəxsi (dəbir) Möhsün Rzayiyə bağlı “Tabnak” saytı güney azərbaycanlı uşağın səsləndirdiyi türkcə şeirin yayılmasını İranın ərazi bütövlüyünə təhdid və fars dilinə qarşı təhqir sayıb.Aşağıda keçən həftə “Traxtur-Perspolis” müsabiqəsi zamanı lentə alınıb və "90" proqramında yayımlanan Videonu bir daha oxucularımız üçün təqdim edirik: