Şrift:
Alimlər gövdə hüceyrələrinin köçürülməsi üzrə “inqilabi” əməliyyat aparıblar
06.06.2018 [10:59] - Sağlıq
ABŞ-ın Kaliforniya Universitetinin tədqiqatçıları dünya klinika təcrübəsində ilk dəfə olaraq onurğa beyninin xroniki zədəsi olan pasiyentlərə əsəb gövdə hüceyrələri köçürülməsi üzrə əməliyyatın ilkin mərhələsinin uğurla başa çatdığını bildiriblər.

Köçürülmə dörd pasiyentdən üçündə ciddi fəsadlar törətmədən onların vəziyyətinin yaxşılaşması ilə nəticələnib. Belə ki, insanın onurğa beynindən alınan əsəb gövdə hüceyrələri xətti istifadə olunub. Dörd könüllüyə hərəyə tərkibində 1,2 milyon gövdə hüceyrəsi olan 6 inyeksiya edilib. Alimlər əvvəlcə bu yanaşmanın təhlükəsizliyini yoxlamaq istəyiblər. Hər şey yaxşı keçib – transplantasiyanın tamamilə təhlükəsiz olması aşkarlanıb.

Yanaşmanın təsirliliyinə gəlincə, mütəxəssislərin fikrincə, dörd könüllüdən üçünün vəziyyətinin yaxşılaşması dramatik nəticə deyil. Hərəki, sensor funksiyalar və elektrofiziologiya kimi göstəricilər təhlil olunub. Hələ 2013-cü ildə alimlər onurğa zədəsi olan siçovullara gövdə hüceyrələrinin köçürülməsi əməliyyatını etmişdilər. Köçürülmənin nəticəsi əsəblərin regenerasiyasında və mobillik göstəricilərinin yaxşılaşmasında ifadə olunub.
Bu xəbər oxucular tərəfindən 202 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed