Yanvarın 12-13-də Şağan Olimpiya İdman Kompleksində Azərbaycan Kikboksinq Federasiyası, Suraxanı rayon Gənclər və İdman İdarəsi və “Vətən” idman klubunun təşkilatçılığı ilə 20 Yanvar şəhidlərinin xatirəsinə həsr olunmuş “Vətən” kikboksinq klubunun açıq birinciliyi keçiriləcək.

Azərbaycan Kikboksinq Federasiyasından bildirilib ki, yarışın keçirilməsində məqsəd kadetlər, yeniyetmələr və gənclər arasında kikboksinq idman növünün inkişaf etdirilməsi və populyarlaşması, kikboksinq idman növünün kütləviliyinə nail olmaq, gənclərin sağlam və milli vətənpərvərlik ruhunda tərbiyə edilməsi, eyni zamanda, idman klubunun yığma komandasının komplektləşdirilməsindən ibarətdir.

Yarış Beynəlxalq WAKO qaydalarına uyğun Lou-Kik və Kik-layt versiyaları üzrə baş tutacaq.