Güney Azərbaycanın Ərdəbil şəhərində Təhsil Şöbəsinin binası qarşısında etiraz aksiyası keçirilib.

Yanvarın 24-də keçirilən aksiyaya çox sayda müəllim, o cümlədən təqaüddə olan müəllimlər qatılıb.

Ərdəbilli müəllimlər bir neçə dəfədir ki, etiraz aksiyaları keçirərək məişət problemləri ilə bağlı tələblərinin təmin olunmasını istəyirlər.

Etirazçılar “Müəllimlərin zəifləməsi, təhsilin zəifləməsidir”, “Müəllim oyaqdır, ayrı-seçkiliyə nifrət edir”, “Təqaüdə çıxanlar hörmət və gün-güzəran istəyir” və s. kimi şüarlar yazılmış kağızlar nümayiş etdiriblər.

Ötən aylarda Güney Azərbaycan və İranın müxtəlif şəhərlərində müəllimlər oxşar aksiyalar keçirərək hökumət tərəfindən təmin olunmayan hüquqlarını tələb ediblər.