Güney Azərbaycan Televiziyası “Aşıqlıq gələnəyi” sənədli filmini yayımlamağa başlayıb.

“Aşıqlıq gələnəyi” sənədli filmi mədəni irs sahəsi üzrə araşdırmaçı Şəhram Əfşarın uğurlu əsərlərindən biridir. Filmdə türk dünyasının aşıqları və bu sənətin türklərin adət-ənənəsi və mədəniyyətinin qorunub saxlanılmasında rolundan bəhs olunur.

Filmdə həmçinin Güney Azərbaycan aşıqlarının tragik taleyi və İran dövləti tərəfindən onlara edilən zülmlərdən söz açılıb.

Bu sənədli film “Varlığımız” toplusunun 5-ci bölümüdür.

“Varlığımız” şənbə günləri Təbriz vaxtı ilə saat 18:30-da Güney Azərbaycan televiziyasından yayımlanır.