İyunun 23-də Tbilisidə parlamentin binası qarşısından keçirilən mitinqdə yeni qərar qəbul olunub.

Qərara əsasən etiraz aksiyası iyunun 24-də Gürcüstanın Daxili İşlər Nazirliyinin (DİN) qarşısında keçiriləcək.

Həmin gün aksiya iştirakçıları saat 14:00-da Birinci Respublika Meydanından avtomobillərlə nazirliyin binasına qədər yürüş edəcəklər. Daha sonra DİN-in qarşısında aksiya davam edəcək.

Aksiyada Daxili işlər naziri Qeorqi Qaxarianın istefası tələb olunacaq.

Aksiyanın təşkilatçıları avtomobili olan hər kəsi yürüşə qoşulmağa dəvət edib.

Məlumat üçün qeyd edək ki, iyunun 23-də keçirilən aksiyada Gürcüstanın sabiq prezidenti Mixeil Saakaşvilinin həyat yoldaşı Sandra Rulofs da iştirak edib.

Xanım siyasətçi jurnalistlərə müsahibəsində aksiyanın tələblərini dəstəklədiyini bildirib.

Xətayi Əzizov