Bu barədə, “Sepah” terror təşkilatının quru qüvvələrinin “Həmzə Seyidüşşühəda” qərargahının ictimai əlaqələr bölməsi məlumat yayıb.



Yayılan məlumata əsasən, hadisə iyulun 15-i axşam saatlarında Kürdüstanın Uraman dağlıq bölgəsinin Bolbər kəndi yaxınlığındakı bir ərazidə baş verib. Bildirilir ki, bölgədə reyd keçirən “Bəsic” qüvvələri naməlum kürd dəstələrinin silahlı hücumuna məruz qalıb. Nəticədə, hər iki tərəf arasında baş verən atışmada “Bəsic” təşkilatının 2 üzvü güllə yarası alaraq, yerindəcə həlak olub, 1-i ağır yaralanıb.


Hücumçu kürdlər hadisə yerindən qaça biliblər. Silahlı hücumun məsuliyyətini hələlik hər hansı bir kürd təşkilatı öz üzərinə götürməyib.