Bu barədə məlumat yayan İran Səhiyyə Nazirliyinin sözçüsü Sima Sadat Lari bildirib ki, son 24 saat ərzində ölkədə 2414 Covid xəstəsi aşkarlanıb. Bununla da, İranda indiyədək koronavirusa yoluxanların sayı ümumi olaraq 276 202 nəfərə çatıb.


Sözçü həmçinin qeyd edib ki, bu günə qədər 240 087 xəstə tam sağalaraq evə buraxılıb. Hazırda isə vəziyyətə ağır olan 3583 nəfər xüsusi rejimli xəstəxanaların intensiv terapiya şöbələrində müalicəsini davam etdirir.


Sadat Lari sonda bildirib ki, indiyədək İranda 2 milyon 175 min 217 koronavirus testi həyata keçirilib.