Bu barədə Ukraynanın Xarici İşlər naziri Dmitri Kuleba keçirdiyi mətbuat konfransı zamanı məlumat verib.


O bildirib ki, müzakirələr zamanı Ukrayna təyyarədə vətəndaşları ölmüş bütün ölkələri təmsil edəcək.


"Baş verən hadisə İrandan etdiyi əmələ görə ən böyük bədəli ödəməyi istəməyimizi tələb edir", - deyə Dmitri Kuleba əlavə edib.


Nazir, eyni zamanda, qeyd edib ki, təzminatın məbləği lazım olan müşavirə, görüş və müzakirələrin aparılmasından sonra açıqlanacaq.


Xatırladaq ki, "Sepah"ın yanvarın 8-də Tehran səmasında Ukrayna hava yollarına məxsus sərnişin təyyarəsini raketlə vurması nəticəsində hava gəmisinin göyərtəsində olan 176 nəfərin hamısı faciəvi şəkildə ölmüşdü.