Təhsil Nazirliyi 2020-2021-ci tədris ili üzrə müəllimlərin işə qəbulu müsabiqəsinin onlayn müsahibə mərhələsində uğur qazanaraq müddətsiz müqavilə əsasında işə qəbul edilən namizədlərin məlumatlarının statistik təhlilini aparıb.

Bu barədə Təhsil Nazirliyindən məlumat verilib. Bildirilib ki, statistik göstəricilərə əsasən, 2020-2021-ci tədris ilində 5345 namizəd müəllimlərin işə qəbulu müsabiqəsinin onlayn müsahibə mərhələsində uğur qazanaraq işlədikləri ümumi təhsil müəssisəsində müddətsiz müqavilə əsasında çalışmaq imkanı əldə edib. Uğur qazanan namizədlərin orta yaşı 28-dir.