Avqustun 3-də İndoneziya sahillərində 5,8 bal gücündə zəlzələ baş verib. Bu barədə Avropa-Aralıq dənizi Seysmoloji Mərkəzi məlumat yayıb.

Yeraltı təkanların episentrinin Qərbi Sumatra əyalətinin Padanq şəhərindən 228 kilometr cənub-qərbdə, ocağının 40 kilometr dərinlikdə yerləşdiyi qeyd edilir.

Dağıntılar və zərərçəkənlər barədə məlumat verilmir. Sunami xəbərdarlığı elan edilməyib.