Türkiyə hazırda Əfqanıstanda taliblərin mesajlarına müsbət yanaş

Anadolu agentliyinə istinadla xəbər verir ki, bunu Türkiyənin xarici işlər naziri Mövlud Çavuşoğlu deyib.

“Biz Əfqanıstanın iqtisadi inkişafını, həmçinin bu ölkədə sülh və sabitliyi dəstəkləyirik. Hazırda taliblərin səsləndirdiyi mesajlara müsbət yanaşırıq. “Taliban” hərəkatı da daxil olmaqla, bütün tərəflərlə dialoqu saxlayırıq”, - deyə Mövlud Çavuşoğlu bildirib.

O, avqustun 15-də bəyan etmişdi ki, Türkiyə Əfqanıstandakı diplomatik missiyası ilə bağlı lazımi tədbirlərin görür və Kabildəki səfirlik öz fəaliyyətini davam etdirək.

Amerika və müttəfiq qoşunlarının Əfqanıstanı tərk etməsindən sonra hücum əməliyyatlarını genişləndirən “Taliban” hərəkatı avqustun ortalarında bütün iri şəhərlərə və sərhəd-buraxılış məntəqələrinə nəzarəti ələ keçirib. Avqustun 15-də taliblər paytaxt Kabilə döyüşsüz daxil olub və prezident sarayını nəzarətə götürüb. Prezident Əşrəf Qani qan tökülməməsi üçün istefa verərək ölkəni tərk edib. Qərb ölkələri öz vətəndaşlarını və səfirlik əməkdaşlarını Əfqanıstandan təxliyə edir.