Şrift:
Avropa Dərman Agentliyi “Merck“ şirkətinin koronavirusa qarşı dərmanını kütləvi istifadə üçün yoxlayacaq
26.10.2021 [10:35] - Gündəm, Sağlıq
Avropa Dərman Agentliyi (EMA) “Merck“ farmakologiya şirkətinin kütləvi istifadə üçün yoxlanışını həyata keçirəcək.

EMA ekspertləri antiviral xüsusiyyətə malik “Molnupiravir” dərmanının təsirinə aid tədqiqat məlumatlarının dəyərləndirilməsinə başlayıblar. Həb formasında olan dərman “Merck Sharp & Dohme“ şirkətinin “Ridgeback Biotherapeutics“ şirkəti ilə birgə istehsalıdır.

İlkin test nəticələrinə görə, preparat koronavirusun orqanizmdə təsirini zəiflədə bilir. Bu yolla xəstələrin stasionar müalicəsi qısaldıla, eləcə də ölüm hallarının sayı azaldıla bilər.

EMA preparatın keyfiyyəti ilə yanaşı, onun təhlükəsizliyi və təsir gücünü yoxlamaq üçün bir sıra test mərhələləri həyata keçirəcək. Bütün mərhələlər uğurla başa çatdıqdan sonra istehsalçı preparatın Avropa İttifaqında istifadəsinə icazə üçün müraciət edə bilər. EMA bunun üçün hansısa vaxt planının nəzərdə tutulduğunu açıqlamayıb.

İndiyədək Avropa İttifaqında koronavirusa qarşı bir dərmanın istifadəsi lisenziyalaşdırılıb, dörd preparatın yoxlanışı davam edir, beş dərman isə lisenziyalaşma mərhələsindədir.
Bu xəbər oxucular tərəfindən 785 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed