Şrift:
ABŞ Rusiyadan neft və qaz idxalını qadağan etdi
09.03.2022 [09:06] - Xəbərlər, Siyasət
Birləşmiş Ştatlar Ukrayna ətrafında yaranan vəziyyətlə əlaqədar Rusiyadan bütün enerji, neft və qaz idxalına qadağa qoyub.

Bu barədə ABŞ Prezidenti Cozef Bayden bir qədər əvvəl Ağ evdən yayımlanan videomüraciətində deyib.

“Bu qərarı Konqresin hər iki palatası və düşünürəm ki, bütün ölkə dəstəkləyir”, - deyə Amerika prezidenti bildirib. Bununla yanaşı Cozef Bayden etiraf edib ki, Rusiyaya qarşı bu cür sanksiyalar ölkədəki yanacaqdoldurma məntəqələrində qiymət artımına səbəb olacaq.

Prezidentin sözlərinə görə, Vaşinqtonda anlayırlar ki, ABŞ-ın heç də bütün tərəfdaşları və Avropadakı müttəfiqləri bu qadağaya qoşula bilməyəcək. Birləşmiş Ştatlar özü bütün Avropada olduğundan çox neft istehsal edir.

Rusiya ABŞ-ın Kanada və Meksikadan sonra ən çox neft və neft məhsulları idxal etdiyi üçüncü ölkədir. Birləşmiş Ştatlar 2021-ci ildə Rusiyadan gündəlik 672 min barel neft və neft məhsulları idxal edib. Bu, ABŞ idxalatının təxminən 8 faizinə bərabərdir.

Ağ evdən bildiriblər ki, martın 8-də Bayden ABŞ-a Rusiya neftinin, maye qaz və kömürün idxalına qadağanı nəzərdə tutan fərman imzalayacaq. O, öz fərmanı ilə Rusiya enerji sektoruna yeni Amerika investisiyalarına, RF-də enerji daşıyıcıları hasilatına sərmayə yatıran xarici kompaniyaların maliyyələşdirilməsinə də qadağa qoyacaq.
Bu xəbər oxucular tərəfindən 367 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed