Füzuli rayonunda 31 Mart Azərbaycanlıların soyqırımı qurbanlarının 104-cü ildönümü ilə əlaqədar anım mərasimi keçirilib.

Tədbirdə Füzuli Rayon İcra Hakimiyyətinin başçısı Alı Alıyev, rayonun hüquq-mühafizə orqanlarının rəhbərləri, N saylı hərbi hissənin şəxsi heyəti, YAP Füzuli rayon təşkilatının sədri, idarə, müəssisə və təşkilat rəhbərləri, ictimaiyyət nümayəndələri iştirak ediblər.

Tədbir iştirakçıları Horadiz şəhərində yerləşən 31 Mart Soyqırımı Abidə Kompleksini ziyarət edib, önünə qərənfil dəstələri düzüblər.