Sumqayıt Sənaye Parkı ərazisində baş verən yanğının söndürülməsi işləri davam etdirilir. Hazırda yanğının davam edən hissəsində söndürmə və soyutma işləri aparılır.

Bu sözləri fövqəladə hallar naziri general-polkovnik Kəmaləddin Heydərov jurnalistlərə müsahiblisində deyib. “Közərmə səhərədək davam edəcəyi üçün növbətçi avtomobillər hadisə yerində qalacaq. Ehtimal ki, 1 saata yanğın söndürüləcək. Yanğın başlayandan 1 saat sonra zavodun və yaxınlıqdakı müəssisələrin işçiləri Sumqayıt Polis İdarəsinin əməkdaşları və mülki müdafiə qoşunları tərəfindən evakuasiya olunub. Yaxında evakuasiya olunmalı yaşayış məntəqəsi yoxdur”, - deyə nazir qeyd edib.