Şrift:
Latviya Ukraynaya göstərilmiş yardımın həcminə görə lider ölkələrdəndir
04.05.2022 [10:31] - Xəbərlər, Siyasət
Latviya Ukraynaya göstərilmiş yardımın həcminə görə dünyanın ən yaxşı ölkələri sırasına daxil olub.

Latviya mətbuatına istinadla xəbər verir ki, bu barədə məlumatı Almaniyanın Kil şəhərində yerləşən Dünya İqtisadiyyatı İnstitutu (İfW) yayıb.

İnstitutun məlumatına görə, Latviya Ukraynaya 226,4 milyon avro məbləğində yardım edib və bu yardım, əsasən, müdafiə sektoru ilə bağlı olub. Ukraynaya göndərilmiş yardımın həcminə görə Latviya digər Baltikyanı ölkələri qabaqlayır: - Estoniyanın töhfəsi 221,6 milyon avro, Litvanın töhfəsi 92 milyon avro məbləğində qiymətləndirilir.

Ukraynaya göstərilmiş yardımın təxmini dəyərini dəstək verən hər bir ölkənin illik ümumi daxili məhsulunun (ÜDM) payında götürsək, öz iqtisadiyyatının həcminə görə ən böyük töhfəni Estoniya (Ukraynaya göstərilmiş yardım ÜDM-in 0,8 faizi həcmində qiymətləndirilir), Latviya (ÜDM-in 0,74 faizi) və Polşa (ÜDM-in 0,46 faiz) verib.

Qeyd edilib ki, Aİ və Avropa İnvestisiya Bankının yardımının ümumi məbləği hazırda 12,8 milyard avro təşkil edir.
Bu xəbər oxucular tərəfindən 386 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed