Şrift:
CS50x proqramı tələbələrə ödənişsiz tədris olunacaq
21.12.2022 [12:42] - Gündəm
Azərbaycan Dövlət İqtisad Universitetinin (UNEC) Karyera mərkəzi və Rəqəmsal iqtisadiyyat fakültəsinin birgə təşkilatçılığı ilə “CS50x Azerbaijan” layihəsinin təqdimatı keçirilib.

UNEC-dən bildirilib ki, “Coders Azerbaijan”ın icraçı direktoru Riyad Ağazadə informasiya texnologiyaları ixtisası üzrə təhsil alan tələbələrə rəhbəri olduğu təşkilatın fəaliyyəti haqqında məlumat verib. Sonra isə proqram meneceri Fatima Koroğluyeva “CS50x Azerbaijan” layihəsini təqdim edib.

Qeyd edək ki, CS50x layihəsi proqramlaşdırma sahəsinə həvəsi olan və yeni başlayan tələbələr üçün Harvard Universitetinin professoru David J. Malan tərəfindən yaradılıb. “CS50x Azerbaijan” layihəsi çərçivəsində bu proqram “Coders Azerbaijan” tərəfindən universitet tələbələrinə ödənişsiz tədris olunacaq. Proqram fevral ayından start götürəcək və interaktiv metodlarla 12 həftə ərzində tədris ediləcək.
Bu xəbər oxucular tərəfindən 187 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed