Yaponiya Taneqasima kosmodromundan əvvəlki nəsil aparatları əvəz etməli olan yeni H3 raketinin buraxılış mərasimi olub.

Startda fövqəladə vəziyyət yaranıb və kosmik gəmi təyin olunmuş vaxtda havaya qalxa bilməyib.
H3-ün buraxılışını Yaponiya Aerokosmik Agentliyi “YouTube” kanalında canlı yayımlayıb.

Geri sayımdan sonra raketin mühərrikləri işə düşdü, lakin o, yerindən tərpənmədi.

H3-ün buraxılışı indiyədək iki dəfə təxirə salınıb.

Əvvəlcə raket fevralın 13-də buraxılmalı idi, lakin aşkarlanan problemlərə görə buraxılış fevralın 15-nə təxirə salındı.

H3 raketi hazırda istifadə edilən H2A-nı əvəz edəcək.

O, əvvəlkindən 1,3 dəfə çox yük daşımağa qadirdir.