Türkiyə Prezidenti Rəcəb Tayyib Ərdoğan və Albaniyanın Baş naziri Edi Rama Türkiyə-Albaniya Yüksək Səviyyəli Əməkdaşlıq Şurasının birinci iclası, eləcə də iki ölkə arasında sazişlərin imzalanması mərasimi başa çatdıqdan sonra birgə mətbuat konfransı keçiriblər.

Bu barədə Türkiyə KİV-ə istinadən xəbər veririk.

“Biz ticarət dövriyyəmizi 2 milyard dollara çatdırmaq niyyətindəyik. İnanıram ki, özəl sektorumuzun səyləri nəticəsində qısa zamanda bu rəqəmə çatacağıq”, - deyə Ərdoğan bildirib.

Prezidentin sözlərinə görə, Türkiyə 3,5 milyard dollar investisiya ilə Albaniyada ilk beş xarici investordan biridir. 600-dən çox türk şirkəti 15 mindən çox Albaniya vətəndaşını işlə təmin edir və ölkə iqtisadiyyatına dəstək verir.