Qərb ölkələrinin İrana qarşı sanksiyaları effekt verməyə başlayıb.
Bazar ertəsi İran uranın 20 faizədək zənginləşdirilməsini dayandırır. Bunu İranın Atom Enerjisi Təşkilatının rəhbəri Əli Əkbər Salehi bildirib.
Salehi bəyan edib: "İran vacib addım atır və bazar ertəsi saat 12.00-da uranın 20 faizədək zənginləşdirilməsini dayandırır".

Qeyd edək ki, bir müddət əvvəl İran xarici işlər nazirliyinin rəhbəri ölkənin nüvə proqramı ilə bağlı Avropa İttifaqı ilə razılaşmaların yerinə yetirilməsinə başlandığını elan edib.