BMT (Birləşmiş Millətlər Təşkilatı) Baş katibi Pan Gi Mun ölüm hökmündən bütünlüklə imtinayla bağlı çağırış edib.
Baş katib bildirib ki, artıq dövlətlər cəza metodu olaraq, ölüm hökmü təcrübəsindən imtina etməlidirlər: “21-ci əsrdə cəza olaraq ölüm hökmü qərarı verilməməlidir. 25 il əvvəl ölüm hökmü qərarını verməkdən yalnız BMT-nin 4 üzvü imtina etmişdi. Bu gün isə bu qərardan imtina edən dövlətlərin sayı 160-a yaxındır. Bu ölkələrin bəziləri ya ölüm hökmünü ləğv ediblər ya da icrasını dayandırıblar”.

Pan Gi Mun vurğulayıb ki, ölüm hökmü humanizm (insani) aktı sayıla bilməz.