"Nə qədər ki, Azərbaycanın işğal olunmuş torpaqları qaytarılmayıb, işğalçı erməni ordusu Azərbaycanın ərazilərini tərk etməyib, sülh sazişinə nail olunmayıb, cəbhə bölgəsində gərginlik biz istəsək də, istəməsək də davam edəcək".

Bunu bu gün Azərbaycan Repsublikası Prezidentinin ictimai-siyasi məsələlər üzrə köməkçisi Əli Həsənov Kəpəz TV-yə (Region TV) açıqlamasında bildirib.

PA rəsmisi deyib: "Ermənistan tərəfi danışıqlarda nümayiş etdirdiyi qeyri-konstruktivliyi cəbhə bölgəsində, xüsusən də dinc əhaliyə qarşı son zamanlar yaşanan proseslərdə də göstərdi. Həmçinin təmas xəttində də bu mövqeyini nümayiş etdirdi".