“Xocalı faciəsinin soyqırımı kimi tanınması təklifini Türkiyə parlamentə mən təqdim etmişəm. Bu soyqırımı Türkiyə parlamentində qətliam və insanlığa qarşı cinayət olaraq tanındı. Ancaq Xocalı faciəsinin soyqırımı kimi tanınması məsələsi sürət və vaxt istəyən məsələdir”.
Bunu Türkiyə Böyük Millət Məclisinin deputatı, Milliyyətçi Hərəkat Partiyasının üzvü Sinan Oğan deyib. O qeyd edib ki, dünya parlamentlərində adətən belə aktların soyqırımı kimi tanınmaması siyasəti var: “Bu məsələdə bir az həssaslıq var. Amma Türkiyə Xocalı hadisəsini insanlığa qarşı cinayət və qətliam adlandırdı. Hesab edirəm ki, irəliləyən dövrlərdə təklif etdiyimiz qanun layihəsi qəbul ediləcək. Əsas odur ki, Türkiyə Azərbaycan xalqının yanında olduğunu göstərdi”.