İraqın baş naziri Heydər Əl-ibadi İraqın şimalındakı kürd muxtar bölgəsinin rəhbərliyini hərbi müdaxilə ilə hədələyib.

Bu barədə Türkiyə mediası məlumat yayıb.

İraqın baş naziri kürdlərin sentyabrın 25-də keçirməyi planlaşdırdığı müstəqilliklə bağlı referendum aktının şiddətə yol açacağı halda bölgəyə hərbi müdaxilə edəcəklərini bəyan edib: "Biz buna hazır vəziyyətdəyik".

Qeyd edək ki, İraq kürd muxtar bölgəsinin lideri Məsud Barzani sentyabrın 25-də müstəqillik referendumunun keçirilməsi barədə birtərəfli qərar qəbul edib. İraq hökuməti, Amerika Birləşmiş Ştatları və bir çox dünya ölkələri referendumun qərarının ləğv edilməsini tələb edib.