Ermənistan silahlı qüvvələri qoşunların təmas xəttində bir neçə istiqamətdə atəşkəs rejimini pozub.
Müdafiə Nazirliyinin mətbuat xidmətindən Trend-ə daxil olan məlumata görə, erməni silahlı bölmələri dünən və bu gecə Ermənistan Respublikasının Noyenberyan rayonunun Berdavan, işğal olunmuş Ağdam rayonunun Yusifcanlı, Mərzili, Füzuli rayonunun Aşağı Əbdülrəhmanlı, Qorqan, Tərtər rayonunun Qızıloba, Göyarx kəndləri yaxınlığında və adsız yüksəkliklərdə, Goranboy, Xocavənd rayonlarının ərazisindəki adsız yüksəkliklərdə yerləşən mövqelərdən atəşkəs rejimini pozublar.
Düşmən cavab atəşi ilə susdurulub.