Şrift:
Ermənistan ordusunun bölmələrinin birində əsgərlər arasında kütləvi zəhərlənmə baş verib
05.01.2019 [10:55] - Gündəm, Qərbi Azərbaycan-İrəvan
Azərbaycanın Ağdam rayonunun düşmən tərəfindən işğal edilmiş yaşayış məntəqələrində yerləşdirilən Ermənistan ordusunun bölmələrindən birində əsgərlər arasında kütləvi zəhərlənmə baş verib.

Ermənistan KİV-ləri xəbər verir ki, yeməklərin keyfiyyətsiz olması nəticəsində zəhərlənən 54 hərbi qulluqçu hərbi hissənin tibb məntəqəsinə müraciət edib. Hərbi polis tərəfindən hadisə ilə bağlı yoxlama aparılarkən məlum olub ki, ərzaq anbarından verilən bir neçə məhsulun istifadə müddəti çoxdan başa çatıb.

Hərbi hissə komandanlığı hadisəni ört-basdır etməyə çalışsa da, əsgərlərin valideynlərinin şikayəti əsasında faktla bağlı araşdırma aparılır. Köhnəlmiş ərzağın yeməkxanaya verilməsində təqsirkar şəxslərin müəyyənləşdirilərək cəzalandırılması məqsədilə cinayət işi açılıb.
Bu xəbər oxucular tərəfindən 20 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed