İstanbulun “Beşiktaş” futbol klubu Almaniyanın “Borussiya Dortmund” komandasının yaponiyalı yarımmüdafiəçisi Şinci Kaqavanı icarəyə götürüb.

“TRTSPOR” televiziyası xəbər verir ki, 29 yaşlı yaponiyalı yarımmüdafiəçi 1,1 milyon arvo qarşılığında mövsümün sonunadək icarə əsasında “Beşiktaş”da forma geyinəcək. Müqaviləyə görə mövsümün sonunda yarımmüdafiəçi 1,6 milyon avro qarşılığında birdəfəlik transfer edilə bilər.

Karyerasına Yaponiyanın “Cerezo Osaka” klubunda başlayan yarımmüdafiəçi “Mançester Yunayted”in də heyətində çıxış edib. O, Yaponiya millisinin heyətində 95 oyunda 31 qol vurub.