Güney Azərbaycanın tarixi Həmədan şəhərində “Aşıqlar və Musiqilər” adlı mərasim keçiriləcək.

Fevralın 15-də keçiriləcək mərasim “Buəli Sina mədəniyyət mərkəzi”ndə baş tutacaq. Mərasimdə ustad Maşallah Rəssamın sənət sahəsindəki fəaliyyəti təqdir olunacaq.

“Aşıqlar və Musiqilər” mərasimində Həmədan Əyalətinin aşıqları ilə yanaşı Türkmən-Səhranın da aşıqları iştirak edib, musiqi ifa edəcəklər.

Türk dünyasında “aşıq”, “ozan”, “bamsı” və “baxşı” adı ilə tanınan saz-söz adamları türk millətinin qədim mədəniyyəti və ənənələrinin qorunub saxlanılmasında hər zaman böyük rol oynayıb. Güney Azərbaycanda aşıq sənətinə xüsusi əhəmiyyət verilir, bu sənət bütün məhdudiyyətlərə baxmayaraq inkişaf etdirilir.

N.S