Şrift:
Gürcüstanda azərbaycanlı əsgərin döyülməsi ilə bağlı 2 hərbçi istintaqa cəlb olunub
13.03.2019 [10:57] - Gündəm, Borçalı
Gürcüstanda Krtsanisi hərbi hissəsində xidmət edən əsgər Kazım Qəhrəmanovun döyülməsi və ondan pulun tələb olunması faktı üzrə 2 hərbçi müəyyən olunaraq istintaqa cəlb olunub.
Bunu Gürcüstanın Müdafiə Nazirliyinin Hərbi Polis Baş İdarəsinin rəis müavini İrakli Bazeraşvili keçirdiyi brifinqdə deyib.
Onun sözlərinə görə, faktla bağlı operativ istintaq tədbirləri həyata keçirilib:
“Müəyyən olunub ki, mart ayının 9-da 2 hərbçi fiziki və psixoloji təzyiq göstərməklə bir neçə çağırışçıdan pul kartlarını tələb ediblər. Hazırda bütün günahkarların müəyyən olunması və cinayət məsuliyyətinə cəlb olunması istiqamətində hərbi polis əməkdaşları istintaq tədbirləri aparırlar”.
İ.Bazeraşvili qeyd edib ki, bütün günahkarlar qanun çərçivəsində ciddi formada cəzalandırılacaqlar.
Bu xəbər oxucular tərəfindən 29 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed