Şrift:
Şəhid sərhədçilərin adları xidmət etdikləri sərhəd zastavalarına və digər sərhəd bölmələrinə veriləcək
28.06.2019 [10:17] - Gündəm, Hərb
Prezident İlham Əliyev “Azərbaycan Respublikasının Dövlət Sərhəd Xidməti haqqında Əsasnamə”də dəyişiklik edilməsi barədə fərman imzalayıb.

Dəyişikliyə əsasən, “Azərbaycan Respublikasının Dövlət Sərhəd Xidməti haqqında Əsasnamə”yə yeni 17.18-2-ci bənd əlavə edilib. Həmin bənddə qeyd olunur ki, Azərbaycan Respublikasının Prezidenti ilə razılaşdırmaqla, Azərbaycan Respublikası Milli Qəhrəmanlarının və dövlət sərhədinin mühafizəsi zamanı şəhid olmuş sərhədçilərin adları xidmət etdikləri sərhəd zastavalarına və digər sərhəd bölmələrinə verilir.

Nazirlər Kabineti Azərbaycan Respublikası Prezidentinin aktlarının bu Fərmana uyğunlaşdırılması ilə bağlı təkliflərini üç ay müddətində hazırlayıb Azərbaycan Respublikasının Prezidentinə təqdim etməlidir.
Bu xəbər oxucular tərəfindən 35 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed