Şrift:
Litva hökuməti xaricilər üçün viza prosedurlarını sadələşdirir
03.07.2019 [10:07] - Gündəm, Siyasət
Litvanın Miqrasiya Departamenti iyulun 2-dən xarici vətəndaşlara viza üçün dəvətnamə göndərmək və yaşamaq icazəsi almaq şərtlərini sadələşdirib.

Yeni qaydalara əsasən, dəvətnamə göndərən şəxslər sənədlərini miqrasiya departamentində təsdiqlətməyəcəklər. Belə ki, bununla bağlı bütün proseduralar avtomatlaşdırılacaq. Bundan əlavə, dəvət edən tərəfə yaşadığı evin sahibinin razılığı da tələb olunmayacaq. Dəvət edən şəxs yalnız gəlirlərini təsdiq edən məktub göndərməlidir. Bütün prosedura görə isə heç bir məbləğ ödənilməyəcək.

Yaşamaq hüquq almaq istəyənlər üçün də qaydalar sadələşdirilib. Bundan sonra ərizələrin baxılması, qərarın qəbul edilməsi və yaşamaq icazəsi verən şərtlər bir prosedurda aparılacaq. Həmçinin xarici vətəndaşın biometrik göstəriciləri müsbət cavab çıxdıqda avtomatik bazaya daxil ediləcək. Bunun üçün tələb olunan ödənişlər isə sənədlərin ilkin təqdimatı zamanı həyata keçirilməlidir.

Aygün Əliyeva
Bu xəbər oxucular tərəfindən 43 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed