Yeni çağırış Avropa Parlamentinin sədri vəzifəsinə italiyalı sosial-demokrat David-Maria Sassoli seçilib.

Səsvermənin ikinci turunun nəticələrinə əsasən, David Sassoli 345 səs toplayıb. Qələbə üçün deputatların 343-nün səsi lazım gəlirdi.

Florensiyadan olan 63 yaşlı sabiq jurnalist Sassoli 2009-cu ildən Avropa Parlamentinin deputatıdır. Vaxtilə təşkilatın vitse-spikeri vəzifəsində çalışıb.

Xatırladaq ki, səsvermənin bu gün səhər saatlarında keçirilən ilk raundunda dörd namizədin heç biri lazımi miqdarda səs yığa bilməmişdi.