Sumqayıtda orta məktəbi bitirən məzunların və ali məktəblərə sənəd verən abituriyentlərin sayı açıqlanıb. 2018/2019-cu tədris ilində Sumqayıt Şəhər Təhsil Şöbəsinin tabeliyində olan orta ümumtəhsil məktəblərini 2752 şagird bitirib. Onlardan 2260-ı ali məktəblərə qəbul imtahanlarında iştirak edib.

Təhsil şöbəsindən bildirilib ki, ilkin məlumata əsasən qəbul imtahanlarında iştirak edən abituriyentlərdən 353-ü 500-dən, 119-u 600-dən, 33-ü isə 650-dən yuxarı bal toplayıb.

Sumqayıt məktəbləri arasında ən yüksək nəticəni Texniki və Təbiət Elmləri Liseyinin məzunu Məhəmməd Ağamalıyev göstərib. Belə ki, o, ali məktəblərə qəbul imtahanında 694 bal toplayıb.