Şrift:
Avropa Gənclər Olimpiya Festivalında cüdo yarışlarının sonuncu gününün görüşləri başlayıb
27.07.2019 [10:48] - Gündəm, İdman
İyulun 27-də XV Avropa Gənclər Olimpiya Festivalının Heydər Əliyev adına İdman Arenasında keçirilən cüdo yarışlarının sonuncu gününün görüşləri başlayıb.

Gün ərzində qarışıq komanda yarışları keçiriləcək. Mübarizəyə səkkizdəbir finaldan başlayan Azərbaycan komandasının rəqibi Gürcüstan millisidir.

Qeyd edək ki, festivalda cüdoçuların fərdi mübarizəsinə yekun vurulub. Azərbaycan millisi yarışda 2 qızıl, 1 gümüş və 3 bürünc medal qazanıb. Qızıl medalları ölkəmizin aktivinə Turan Bayramov (60 kq) və Hüseyn Məmmədov (+90 kq), gümüş medalı Vüqar Talıbov (73 kq), bürünc medalları isə Şükran Zamanlı (55 kq), Məhərrəm İmamverdiyev (81 kq) və Gülşən Bəşirova (44 kq) yazdırıblar. Komanda bu nəticə ilə medal sıralamasında üçüncü olub.

Festivalda 40 ölkədən 297 cüdoçu mübarizəyə qoşulub. Azərbaycan bu nüfuzlu turnirə 12 cüdoçu (8 oğlan, 4 qız) ilə qatılıb.
Bu xəbər oxucular tərəfindən 282 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed