Özbəkistanda fəaliyyət göstərən Heydər Əliyev adına Azərbaycan Mədəniyyət Mərkəzi Ramazan bayramı münasibətilə Daşkənddə azərbaycanlı və özbək uşaqlarının təhsil aldığı 30 saylı, habelə fiziki qüsurlu uşaqlar üçün olan 1 saylı uşaq evlərinə bayram sovqatı göndərib.

Qeyd edək ki, Mədəniyyət Mərkəzi 30 saylı uşaq evini himayəyə götürüb və mütəmadi olaraq bu məktəbin uşaqlarına yardım göstərir.

Bu uşaq evinin şagirdləri müxtəlif bayram tədbirlərində Mədəniyyət Mərkəzinə dəvət olunur, Azərbaycan milli yeməklərinə qonaq edilirlər.