Şrift:
Yaponiyalı mütəxəssislər “Pfizer” vaksininin 85-96 faiz səmərəli olduğunu təsdiq edirlər
13.09.2021 [09:43] - Gündəm, Sağlıq
Yaponiyanın Kioto Universitetinin mütəxəssisləri “Pfizer” vaksininin 85-96 faiz səmərəli olduğunu təsdiq ediblər.

Bu barədə sentyabrın 13-də NHK telekanalı məlumat yayıb. Bildirilir ki, Kioto Universitetinin bir qrup tədqiqatçısı ötən yay virusa yoluxmuş təqribən 10 minədək xəstənin məlumatlarını təhlil ediblər. Onların böyük əksəriyyəti vaksin qəbul etmədiklərinə görə, yapon mütəxəssislər bu dərmanın səmərəliyini müəyyənləşdirməkdə çətinlik çəkməyiblər. Bildirilir ki, 20-60 yaş arasında olan kişilərdə “Pfizer” vaksininin səmərəliliyi 89,6-93,4 faiz, 60-dan yuxarı yaşlı kişilər arasında isə 94,7-96,9 faiz təşkil edib. Qadınlar arasında isə bu göstərici 20-60 yaş arasında 85,4-91,8 faiz, 60 yaşdan yuxarılarda isə 92,6-96,1 faiz olub.

Yapon mütəxəssislər qeyd edirlər ki, tədqiqatlar virusun “delta” ştamının geniş yayıldığı dövrdə aparılıb və vaksin virusun bu variantına qarşı daha səmərəlidir.

Qeyd edək ki, son məlumatlara görə, Yaponiya əhalisinin 50 faizdən çoxu vaksinin artıq hər iki dozasını qəbul edib.
Bu xəbər oxucular tərəfindən 1160 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed