Şrift:
Azərbaycan incəsənət ustaları Misirdə beynəlxalq festivalın açılışında iştirak ediblər
25.10.2021 [09:35] - Xəbərlər, Mədəniyyət
Misirin İsmailiyə şəhərində 21-ci Beynəlxalq Folklor Festivalının açılışı mərasimi keçirilib.

8 ölkənin folklor nümunələrinin – mahnı və rəqslərinin təqdim edildiyi festivalda ölkəmizi “Cəngi” estrada və folklor ansamblı təmsil edir.

Misirin mədəniyyət naziri İnas Əbdel Dayimin dəstəyi ilə keçirilən festivalın açılış mərasimində iştirakçı ölkələrin folklor qrupları öz ölkələrinin bayraqları ilə İsmailiyə şəhərinin Məhəmməd Əli meydanından keçiblər. Mərasimi İsmailiyə qubernatoru Şərif Fəhmi Bişər, tədbirə dəvət olunmuş ölkələrin səfirliklərinin nümayəndələri izləyiblər.

Festival çərçivəsində İsmailiyə şəhərinin müxtəlif meydanlarında Azərbaycan, İordaniya, Meksika, Sudan, Nepal, İndoneziya, Konqo və Fələstin, habelə Misirin 17 vilayətinin folklor qruplarının konsertləri olacaq.
Bu xəbər oxucular tərəfindən 538 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed