![](https://azertag.az/files/galleryphoto/2021/3/1000x669/16394225861548847423_1000x669.jpg)
14.12.2021 [10:04] - Gündəm, Gənclik
Mingəçevir Dövlət Universiteti (MDU) Kəmər və Yol Universitetləri Alyansına (University Alliance of the Belt and Road – UAB&R) üzv qəbul olunub.
MDU-dan bildirilib ki, bu barədə qərar dekabrın 10-da keçirilən UAB&R-ın konfransında verilib. Çin Xalq Respublikasının Lanzhou Universitetinin (Lanzhou University) və Qansu Əyalətinin Təhsil Departamenti tərəfindən birgə təşkil olunan və 15 ölkənin 30 universitet, tədqiqat institutu və mərkəz rəhbərlərinin qatıldığı konfransda MDU-nun rektoru Şahin Bayramov iştirak edib.
Həm real rejimdə, həm də “Zoom” platforması üzərindən onlayn formatda keçirilən konfransda ali təhsil sahəsində beynəlxalq əməkdaşlığın innovativ formaları, akademik mübadilənin keyfiyyət və səmərəliliyinin yüksəldilməsi, Dayanıqlı İnkişaf Məqsədləri kontekstində gələcəyin liderlərinin təşviqi, universitet və sənaye əməkdaşlığı, COVID-19 pandemiyası dövründə ali təhsil, pandemiyadan sonrakı dünyada çağırışlar və imkanlar, rəqəmsal transformasiya, insan resurslarının inkişafı, alyans çərçivəsində əməkdaşlığın perspektivləri və digər məsələlərlə bağlı məruzələr təqdim edilib, geniş müzakirələr aparılıb.
Konfransda MDU-nun rektoru Ş.Bayramov “Yeni dövrün universitetinə transformasiya: ümumi məqsədlər, koordinasiyalı beynəlxalq əməkdaşlıq və birgə səylər” mövzusunda məruzə ilə çıxış edib.
Rektor məruzəsində ali təhsil müəssisələrinin müasir dövrün reallıqlarına və çağırışlarına uyğunlaşması, yeni dövrün universitetinə çevrilmək yolunda əsas məqsədlər və hədəflər, dövlətin dəstəyi və tərəfdaş universitetlərlə məqsədyönlü birgə fəaliyyət, tədrisin məzmununun yenilənməsi, regional ekosistemə töhfə verən tədqiqat və innovasiya fəaliyyəti, universitet-sənaye əməkdaşlığı, kampus dəyərləri və çoxşaxəli tələbə həyatı, məzunların məşğulluğu, karyera inkişafı və digər məsələlər barədə danışıb, bu istiqamətdə koordinasiyalı beynəlxalq əməkdaşlığın vacibliyini vurğulayıb.
MDU-nun UAB&R-a yeni üzv qəbul olmasına göstərdikləri dəstəyə görə qurumun bütün üzvlərinə təşəkkürünü bildirən Ş.Bayramov Alyansın əməkdaşlıq üçün təqdim etdiyi bu unikal və effektiv platformadan fəal surətdə faydalanılacağından əminliyini ifadə edib.
Sonra, MDU-nun UAB&R-a üzvlüyünü təsdiq edən Əməkdaşlıq Memorandumunun onlayn imzalanması mərasimi keçirilib.
Konfransda Azərbaycan Neft və Sənaye Universitetinin rektoru Mustafa Babanlı da iştirak edib. O, tədbirdə “Azərbaycanın “Kəmər və Yol” boyu ölkələrlə təhsil əməkdaşlığı” mövzusunda məruzə ilə çıxış edib.
Qeyd edək ki, hazırda müasirləşmə mərhələsində olan MDU-da geniş coğrafiyaya, elmi və akademik potensiala sahib UAB&R ilə əməkdaşlığa xüsusi önəm verilir. Yeni dövrün universitetinə çevrilməyi hədəfləyən MDU bu Alyans çərçivəsində kadr hazırlığı, elmi tədqiqat, yeni fənlərin yaradılması, akademik mübadilə, bilik və texnologiyaların mübadiləsi və digər sahələrdə əməkdaşlıq edəcəkdir.
MDU-dan bildirilib ki, bu barədə qərar dekabrın 10-da keçirilən UAB&R-ın konfransında verilib. Çin Xalq Respublikasının Lanzhou Universitetinin (Lanzhou University) və Qansu Əyalətinin Təhsil Departamenti tərəfindən birgə təşkil olunan və 15 ölkənin 30 universitet, tədqiqat institutu və mərkəz rəhbərlərinin qatıldığı konfransda MDU-nun rektoru Şahin Bayramov iştirak edib.
Həm real rejimdə, həm də “Zoom” platforması üzərindən onlayn formatda keçirilən konfransda ali təhsil sahəsində beynəlxalq əməkdaşlığın innovativ formaları, akademik mübadilənin keyfiyyət və səmərəliliyinin yüksəldilməsi, Dayanıqlı İnkişaf Məqsədləri kontekstində gələcəyin liderlərinin təşviqi, universitet və sənaye əməkdaşlığı, COVID-19 pandemiyası dövründə ali təhsil, pandemiyadan sonrakı dünyada çağırışlar və imkanlar, rəqəmsal transformasiya, insan resurslarının inkişafı, alyans çərçivəsində əməkdaşlığın perspektivləri və digər məsələlərlə bağlı məruzələr təqdim edilib, geniş müzakirələr aparılıb.
Konfransda MDU-nun rektoru Ş.Bayramov “Yeni dövrün universitetinə transformasiya: ümumi məqsədlər, koordinasiyalı beynəlxalq əməkdaşlıq və birgə səylər” mövzusunda məruzə ilə çıxış edib.
Rektor məruzəsində ali təhsil müəssisələrinin müasir dövrün reallıqlarına və çağırışlarına uyğunlaşması, yeni dövrün universitetinə çevrilmək yolunda əsas məqsədlər və hədəflər, dövlətin dəstəyi və tərəfdaş universitetlərlə məqsədyönlü birgə fəaliyyət, tədrisin məzmununun yenilənməsi, regional ekosistemə töhfə verən tədqiqat və innovasiya fəaliyyəti, universitet-sənaye əməkdaşlığı, kampus dəyərləri və çoxşaxəli tələbə həyatı, məzunların məşğulluğu, karyera inkişafı və digər məsələlər barədə danışıb, bu istiqamətdə koordinasiyalı beynəlxalq əməkdaşlığın vacibliyini vurğulayıb.
MDU-nun UAB&R-a yeni üzv qəbul olmasına göstərdikləri dəstəyə görə qurumun bütün üzvlərinə təşəkkürünü bildirən Ş.Bayramov Alyansın əməkdaşlıq üçün təqdim etdiyi bu unikal və effektiv platformadan fəal surətdə faydalanılacağından əminliyini ifadə edib.
Sonra, MDU-nun UAB&R-a üzvlüyünü təsdiq edən Əməkdaşlıq Memorandumunun onlayn imzalanması mərasimi keçirilib.
Konfransda Azərbaycan Neft və Sənaye Universitetinin rektoru Mustafa Babanlı da iştirak edib. O, tədbirdə “Azərbaycanın “Kəmər və Yol” boyu ölkələrlə təhsil əməkdaşlığı” mövzusunda məruzə ilə çıxış edib.
Qeyd edək ki, hazırda müasirləşmə mərhələsində olan MDU-da geniş coğrafiyaya, elmi və akademik potensiala sahib UAB&R ilə əməkdaşlığa xüsusi önəm verilir. Yeni dövrün universitetinə çevrilməyi hədəfləyən MDU bu Alyans çərçivəsində kadr hazırlığı, elmi tədqiqat, yeni fənlərin yaradılması, akademik mübadilə, bilik və texnologiyaların mübadiləsi və digər sahələrdə əməkdaşlıq edəcəkdir.
Bu xəbər oxucular tərəfindən 6500 dəfə izlənilmişdir!
![]() | ![]() |
Yahoo | ![]() |
![]() |
|||
![]() |
Del.icio.us | ![]() |
Digg | ![]() |
StumbleUpon | ![]() |
FriendFeed |