Bosniya və Herseqovinanın Dövlət Radio və Televiziyası (BHRT) maliyyə problemlərinə görə bağlanmaq təhlükəsi ilə üzləşib.

Bank hesabları dondurulan qurumun direktorlar şurası Bosniya və Herseqovina hökumətinə və BHRT-nin səhmdarlarına ictimai yayımın davam etdirilməsi üçün müraciət ünvanlayıb.

Problemin mühüm hissəsi Serb Respublikası Radio və Televiziyasının (RTRS) 2017-ci ildən bəri BHRT-yə qanunla müəyyən olunan ödənişləri etməməsindən irəli gəlir.

Kanal rəhbərliyi BHRT-nin borcunun artdığını və bank hesablarının təxminən üç həftədir dondurulduğunu bildirib.

BHRT-nin bağlanması 870 nəfərin işsiz qalması ilə nəticələnə bilər.