Şrift:
Gürcüstanda gündəlik tələbat məhsullarının qiymətləri artıb
05.05.2022 [09:52] - Gündəm, Borçalı
Gürcüstanda inflyasiyasının səviyyəsi artmaqda davam edir. Bu da müvafiq olaraq ölkədə gündəlik tələbat mallarının qiymətinin artmasına səbəb olub.

Bu barədə Gürcüstan Milli Statistika Xidməti məlumat yayıb.

Bildirilir ki, aprel ayında illik inflyasiya 12,8 faiz, mar ayı ilə müqayisədə isə 1,8 faiz təşkil edib. Qida məhsulları və alkoqolsuz içkilərin qiyməti 21,3 faiz, su, elektrik enerjisi və təbii qazın qiymətləri 9,4 faiz artıb. Yalnız son bir ayda geyim əşyaları 4,9 faiz, nəqliyyat xərcləri 3,7 faiz, qida məhsulları və alkoqolsuz içkilərin qiyməti 3.3 faiz bahalaşıb. İl ərzində isə bahalaşma daha çox olub.

İllik müqayisədə tərəvəz və bostan məhsulları 42,6 faiz, çörək və çörək məmulatları 28,8 faiz, alkoqolsuz içkilər 24,1 faiz, günəbaxan yağı və piy yağları 20,8 faiz, qənd, mürəbbə və digər şirniyyat məhsulları 19,3 faiz, balıq məhsulları 18,9 faiz, süd, pendir, yumurta 18,0 faiz, kofe, çay, kakao 17,6 faiz, meyvələr isə 14,4 faiz bahalaşıb.

Ət və ət məhsullarının qiymətində isə 109 faiz artım qeydə alınıb.
Bu xəbər oxucular tərəfindən 334 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed