Azad olunmuş ərazilərdə Azərbaycan istehsalı olan minatəmizləmə maşınlarından istifadə olunacaq.

Bunu bu gün jurnalistlərə açıqlamasında Azərbaycan Minatəmizləmə Agentliyinin (ANAMA) İdarə Heyətinin sədri Vüqar Süleymanov deyib.

O bildirib ki, ANAMA minatəmizləmə prosesində yeni texnikalardan istifadə edir.
"Bilirsiniz ki, artıq Azərbaycan minatəmizləyən maşın istehsal edir. Bu il ərzində biz həmin yerli istehsal minatəmizləmə maşınlarından istifadə edəcəyik".