Cümhuriyyətin 100-cü ildönümü münasibətilə Türkiyə Hərbi Dəniz Qüvvələri (HDQ) ölkə tarixinin ən böyük paradını keçirib.

“Yüzüncü ildə yüz gəmi” şüarı altında keçirilən paradı Türkiyə Respublikasının HDQ komandanı donanma admiralı Ercüment Tatlıoğlu ölkənin ən böyük “TCG Anadolu” amfibiya gəmisindən idarə edib.

Parad əsnasında Türkiyənin Hərbi Hava Qüvvələrinə aid təyyarələr İstanbul boğazı üzərində uçuşlar həyata keçirib.

Qeyd edək ki, Türkiyə Cümhuriyyəti bu gün 100-cü ildönümünü qeyd edir.